USRobotics estrea lector de tarxetas por USB 3.0

luns, 18 de xullo do 2011 Marcus Fernández

Os usuarios que gocen de conectividade USB 3.0 nos seus equipos e que queiran aproveitala para acceder a grande velocidade ás súas tarxetas de memoria poden agora adquirir o USR8420, un lector de tarxetas de memoria de USRobotics que soporta os formatos máis habituais incluíndo UHS, UDMA, SDXC, MSXC e CF, destacando por ter 2 fendas separadas para tarxetas SD.
Os 5 Gbps de velocidade do USB 3.0 consegue unhas transferencias 10 veces superiores que con USB 2.0, aínda que este lector de tarxetas por USB tamén soporta o anterior estándar. O dispositivo ten 5 fendas para tarxetas de memoria que serven principalmente apra acceder ás familias de tarxetas SD, Memory Stick, SmartMedia e Compact Flash, non precisando de controladores para o seu funcionamento en Windows, Mac OS e Linux. O seu prezo de venda nos EE.UU. é de 39,99 dólares (28,47 euros).

PUBLICIDADE