Un accesorio achegará o GPS ó iPhone

luns, 17 de decembro do 2007 Marcus Fernández

Aínda que non é a aplicación máis demandada, ó comparar o iPhone con outros terminais de alta gama destácase a carencia de GPS, polo que PartFoundry xa ten un prototipo de módulo GPS que se poden conectar ó móbil de Apple e que se venderá a 89 dólares (uns 61,84 euros) no mes de febreiro.


Vídeo de proba do prototipo do locoGPS

O curioso accesorio incorpora un chip SiRF Star III que é capaz de determinar a posición do usuario para empregar logo o servizo de Google Maps para situalo no mapa. Ata o momento o prototipo locoGPS está baseado en código aberto, e ó saír en febreiro podería ser un dos primeiro chismes en tirar proveito o SDK oficial de Apple, que permitirá engadir aplicación ó iPhone sen desbloquealo.

PUBLICIDADE