Un accesorio converte o mando da Wii nunha espada de luz

venres, 23 de novembro do 2007 Marcus Fernández

Adiantándose ó lanzamento na primavera de 2008 de The Force Unleashed para Nintendo Wii, xogo que permitiría usar o mando da Wii a xeito de espada de luz de Star Wars, a tenda británica Play.com ten xa á venda un accesorio coñecido coma Wii Light Sword, que consiste nun engadido para o mando dotado con 22 LED de grande brillo alimentados por 3 pilas AAA de xeito que presenta distintos efectos luminosos activados co movemento.
Este curioso accesorio para o mando da Wii se vende a 14,99 libras esterlinas (20,85 euros) e parece querer situarse no mercado coma un potencial agasallo de Nadal para tódolos amantes da Wii e da saga galáctica de George Lucas.

PUBLICIDADE