Un adaptador facilitará a conexión sen fíos do PC con Meta Quest 2

venres, 30 de setembro do 2022 Marcus Fernández

O casco de realidade virtual Meta Quest 2 chegou ao mercado para popularizar a VR sen fíos á vez que ofrecía a posibilidade de experimentar cunha realidade virtual avanzada conectando o casco directamente a un PC mediante un cable USB-C, aínda que non tardarían en desenvolver unha solución que permitía gozar desta experiencia directamente a través de Wi-Fi, sempre que teñamos unha boa conexión. Dado que en moitas ocasións non podemos enlazar axeitadamente o noso ordenador co casco de realidade virtual por problemas como as distancias dos distintos elementos ou por contarmos cun router de operador anticuado, dende D-Link decidisen lanzar un adaptador moi atractivo o VR Air Bridge (modelo DWA-F18), que permite establecer unha conexión Wi-Fi 6 directa entre o ordenador e Quest 2.
Falamos dun accesorio USB 3.2 que establece unha rede Wi-Fi 6 de baixa latencia que facilita que poidamos gozar no caso sen fíos de xogos e experiencias de VR avanzadas, que poden aproveitar a grande potencia do ordenador para construír contornos virtuais complexos, ou sexa, que achegaría o software de Meta Quest Rift dun xeito moi sinxelo e sen as complicacións propias de utilizar unha rede Wi-Fi doméstica para tal fin.
Polo momento non anunciaron a data de lanzamento nin o prezo deste produto, que prevese que chegue ao mercado en breve.

Vídeo promocional do novo accesorio de D-Link

PUBLICIDADE