Un catálogo recolle as solucións de software libre dispoñibles en Galicia
luns, 14 de marzo do 2011
A SecretarÃa Xeral de Modernización e Innovación Tecnolóxica da Xunta de
Galicia publicou nos últimos dÃas un Catálogo
de Produtos e Servizos TIC que pretende achegar á PEME un maior coñecemento
sobre as posibilidades que brinda o software libre. Este documento elaborado
pola Asociación de Empresas Galegas de Software Libre (AGASOL) en colaboración
co departamento autonómico, forma parte das accións do Plan de Software Libre
que puxo en marcha a Xunta en 2010 e que ten continuidade no presente ano.
O Catálogo de Produtos e Servizos de Software Libre está estruturado en
seis apartados que cunha linguaxe sinxela describen as posibilidades que o
software libre e como acceder a elas. A introdución serve de guÃa sobre como
usar o catálogo ademais de explicar brevemente qué é o software libre e cales
son as súas posibles aplicacións. O apartado situacións, organizado a modo de
preguntas e respostas, explica ao lector as alternativas que hai no software
libre a circunstancias habituais no ámbito empresarial .
O terceiro capÃtulo ofrece o listado das 27 empresas que integran AGASOL,
achegando os datos de contacto, situación e un breve resumo das súas liñas de
negocio e servizos. No cuarto apartado do documento o lector atopará preto de
preto de 90 produtos e servizos que ofrecen as empresas de AGASOL. Esta
información inclúe a descrición do produto ou servizo, o sector ao que vai
dirixido, o tipo de licenza e a comunidade de usuarios, asociacións e empresas
que dan soporte ao produto. Este catálogo facilita ao lector a busca de soporte
en ferramentas de software libre.
A información anterior complétase cunha táboa cruzada de empresas e
categorÃas que permite relacionar dun xeito rápido e visual as empresas e
categorÃas de produtos e servizos que ofrecen. O documento péchase cun mapa no
que se indican onde están ubicadas as empresas para que o lector saiba cales
son as que ten máis próximas para acceder a solucións de software libre.