Unha empresa do Milladoiro desenvolve aplicacións que tiran proveito dos pictogramas para superar fendas comunicativas
xoves, 24 de xaneiro do 2013
Varios son os proxectos que buscan facilitar a comunicación
de persoas con diversidades funcionais e cognitivas en base a pictogramas (como
PictoDroid
Lite) e nesa mesma liña temos agora ao equipo de Pictoaplicaciones, que dende O
Milladoiro está a desenvolver os proxectos Pictotraductor, Pictosonidos,
Pictocuentos, Pictoagenda e Pictohorarios, entre os que destaca o primeiro, que
xa conta cunha páxina web dende a
que podemos introducir o texto que desexemos para que o sistema converta as palabras
en imaxes tomadas da colección ARASAAC (publicados baixo licenza Creative
Commons) ou engadidas polo propio usuario, e que espera adaptarse a iOS e
Android en breve.
Pictoaplicaciones é unha iniciativa desenvolvida por Aplex Factory, división de
desenvolvemento de aplicacións do Grupo
Promedia SMPE, que pretende axudar a persoas con dificultades de expresión
mediante linguaxe oral, para que progresen na súa comunicación e comprensión de
coñecementos a través de aplicacións baseadas en pictogramas. Estas ferramentas
están pensadas para que sexa posible acceder ás mesmas en calquera momento e
lugar dun xeito áxil, sen que sexa preciso ter grandes coñecementos
informáticos para o seu uso, e contribuÃndo á comunicación do dÃa a dÃa.