Unha funda para iPad Air para os que aínda empregan papel

Para os usuarios de tablets que aínda non se desprenderon do hábito de empregar o papel para tomar anotacións dende Booq veñen tempo comercializando fundas axeitadas para o seu dispositivo móbil, como a que agora poñen a venda para o tablet de referencia de Apple. Así temos por 95 euros o Booqpad para iPad Air, funda de pel que protexe o iPad durante o seu transporte e tamén facilita a súa colocación sobre o escritorio para un uso cómodo, como outras fundas actuais, coas que destaca por contar con espazo para gardar tarxetas de visita, un bolígrafo e incluso unhas follas sobre as que poder tomar anotacións, de xeito que combinariamos un tablet e un caderno nun único elemento a levar enriba.
Esta funda cun tamaño exterior de 228 x 215 x 25 milímetros e un peso de 360 gramos está deseñada de xeito simétrico, o que permite que poida xirarse 180 graos para que poida resultar cómoda para manichos.

Vídeo de presentación do Booqpad para iPad Air