Vicepresidencia e o CPEIG lanzan unha aplicación para axudar ás mulleres vítimas da violencia de xénero
martes, 1 de decembro do 2015
Dun tempo a esta parte,
as entidades galegas están a xuntar forzas (intensificando esforzos)
a prol de novas tecnoloxías para a inclusión, a solidariedade e a
acción social. Vímolo recentemente no
congreso do Valedor do Pobo contra o ciberacoso ou no programa
Navega
con Rumbo. Amais do compromiso por unha sociedade mellor
informada e máis igualitaria e xusta (no real e no virtual), as
ditas iniciativas teñen outro denominador común: a colaboración
entre o Goberno galego e o Colexio Profesional de Enxeñaría en
Informática de Galicia (CPEIG).
Este martes primeiro de decembro, precisamente, presentouse en
Santiago un novo capítulo desta cooperación. Trátase da aplicación
de balde Escapp, “unha ferramenta específica para axudar ás
mulleres vítimas da violencia de xénero”.
O recurso informático
foi presentado na Escola Técnica Superior de Enxeñaría da USC e
contou coa presenza do vicepresidente da Xunta, Alfonso Rueda, e o
presidente do CPEIG, Fernando Suárez. Segundo fixeron saber, a
aplicación é froito dun acordo Vicepresidencia-CPEIG cuxo obxectivo
é crear innovación tecnolóxica con “perspectiva de xénero”
que axude a superar “a desigualdade TIC das mulleres” e contribúa
á loita contra a violencia de xénero. Amais da aplicación, o
acordo abrangue accións
formativas, de información e divulgación, “facendo fincapé
especial na xente moza e o seu uso das tecnoloxías”.
No
acto perante os medios, Fernando Suárez debullou a forma e contido
de Escapp, como dixemos un recurso para mulleres vítimas da
violencia de xénero encamiñado a mellorar na medida do posíbel “a
súa difícil situación”, fixo saber o presidente do CPEIG, que
engadiu que a
ferramenta xa está dispoñíbel para Android, estando prevista
para datas vindeiras o lanzamento da versión para iOS. Suárez, na
súa intervención, fixo fincapé nas medidas de seguridade que
inclúe e nos elementos dos que dispón para resultar sinxela e
acaida para todas as posíbeis usuarias, sexan cales sexan os seus
coñecementos informáticos e tecnolóxicos. “Trátase”,
comentou, “dunha ferramenta moi sinxela, moi intuitiva e moi doada
de empregar e de instalar no noso dispositivo”. Por contidos,
inclúe entre outras moitas cousas os principais consellos e
recomendacións para mulleres vítimas de maltrato de xénero.
Ademais de apartados como Primeiros
sinais,
Que
facer
ou Preguntas
frecuentes,
dá acubillo a “un completo directorio de recursos como centros de
información á muller, hospitais, corpos de seguridade ou servizos
sociais”, lembrou Suárez, que tamén recalcou que estes elementos
aparecen nun mapa xeoposicionados ao detalle, co fin de facilitar ao
máximo unha posíbel busca de información, asesoramento ou axuda.
Segundo
fixo saber o presidente do CPEIG, “hai apartados que nos indican o
que facer nunha situación así, que recursos de seguridade temos,
como e onde informarnos e que pasos dar, como denunciar e que
consecuencias pode ter unha denuncia, que recursos teñen as mulleres
nesta situación, etc”. Suárez rematou a súa intervención
lembrando que a ferramenta abrangue unha galería audiovisual de
elementos multimedia que liga directamente co repositorio da
Secretaría Xeral de Igualdade.
Polo
que se refire á intervención de Alfonso Rueda,
comezou agradecendo ao CPEIG a súa colaboración “nunha materia de
tanta importancia non só para o Goberno, senón para toda a
sociedade, xa que a procura da igualdade e a erradicación da
violencia de xénero son dous obxectivos fundamentais dunha sociedade
moderna”. Asemade, recordou que se fixo o máximo fincapé en
acadar unha ferramenta (en alusión a Escapp) especialmente sinxela,
por ser a sinxeleza o complemento ideal do útil. “Quixemos que
fose ante todo de utilidade e que puidera ser empregada por calquera
persoa”, sinalou, engadindo que outra das grandes características
da aplicación reside, precisamente, en que pode ser usada por
calquera persoa que detecte no seu entorno unha posíbel situación
de violencia de xénero e queira obter información ao respecto.
Respecto da seguridade
posta en xogo, Rueda e Suárez recordaron que a aplicación é quen
de camuflarse “coma unha app de información xenérica para
evitar sospeitas”, e está protexida por un contrasinal que debe
determinar a propia usuaria.
A
aplicación punto por punto
A app discorre a
través de 6 ítems sinxelos e prácticos, que consiste en primeiros
sinais do maltrato, que facer, tips para a túa seguridade, preguntas
frecuentes, preto de min, directorio, chama e infórmate, e
galería audiovisual.
1.- Primeiros sinais
do maltrato: Pautas para identificar si estás vivindo potencias
situacións de maltrato
2.- Que facer:
consellos e indicacións de como proceder tanto se a muller é
vítima de violencia directamente ou pautas de como actuar para
calquera persoa que teña coñecemento dunha situación deste tipo
3.-Tips para a túa
seguridade: ofrece pautas de actuación a quen viva situacións
de violencia, tanto se aínda non abandonou a dita situación (ofrece
consellos claros e directos de como proceder para rachar con ela),
como si xa se denunciou a situación (ofrece consellos para a
seguridade física da vítima)
4.- Preguntas
frecuentes: contén a resposta ás preguntas que as mulleres que
padecen violencia de xénero realizan de xeito recorrente, sobre todo
en relación coa denuncia e a súa interposición, sobre a orde de
protección e o que implica e sobre os recurso dos que pode dispoñer.
5.- Preto de min:
Activa a través do xeoposicionamento da vítima ou persoa que use a
aplicación todo o directorio de recursos existente en Galicia: CIMs,
comisarias, hospitais, xulgados específicos etc.
6.- Directorio:
Figuran os datos completos da totalidade dos recursos existentes en
Galicia (enderezos e teléfonos)
7.-Chama e
infórmate: Solo con pulsar esta opción de establece a chamada
directa co 016 ou co teléfono 900400273 de información ás mulleres
8.- Galería
audiovisual: enlaza coa canle que a Secretaría xeral da
Igualdade ten activo en YouTube e no que se soben os diferente
produtos audiovisuais que se elaboren en diferentes proxectos. Se
actualiza automaticamente, de xeito que actualizada a canle
actualizada a aplicación