Vigo estrea un servizo municipal de préstamo de libros electrónicos

venres, 6 de setembro do 2013 Marcus Fernández

JPEG - 120.6 KB
O concelleiro Carlos López Font acudiu á presentación de eBookVigo

Esta semana a Biblioteca Xosé Neira Vilas de Vigo acolleu o acto de inauguración da plataforma tecnolóxica municipal eBookVigo, que pon a disposición dos vigueses lecturas en soporte electrónico e que comeza a funcionar hoxe, facilitando o préstamo das principais novidades editoriais en formato e-book para a súa lectura en tablets, smartphones, ordenadores e eReaders.
Para poder acceder ao uso deste novo servizo é preciso ser usuario rexistrado da Biblioteca Pública Municipal Xosé Neira Vilas, ter maior de 16 anos, contar cun dispositivo compatible e unha conta de correo electrónico, e solicitar a inscrición no servizo na biblioteca municipal coa tarxeta de lector.
Os usuarios rexistrados poden explorar o catálogo en liña de eBookVigo, elixir os volumes que lle interesen en premer no botón de tomar en préstamo para poder acceder aos títulos indicados durante 21 días. Este sistema é equivalente ao dos vídeos en soporte físico, de xeito que se un libro está emprestado, o usuario quedará en listaxe de espera para o mesmo (podendo reservar un máximo de 2 e-books simultáneos).

JPEG - 103.2 KB
Os e-books poden lerse nunha ampla variedade de dispositivos

PUBLICIDADE