Vodafone lanza en España o seu servizo de Solucións Unificadas
venres, 5 de febreiro do 2010
Vodafone España e Microsoft, dúas grandes
compañías dedicadas a facilitar a comunicación e a interactividade entre as
persoas aínda que estas se atopen a milleiros de quilómetros de distancia (cada
unha no seu campo) veñen de anunciar o lanzamento de Vodafone Solucións
Unificadas, un servizo completo que integra Microsoft Online Services (servizos de
produtividade e colaboración hospedados en data
centers de Microsoft)
con Oficina Vodafone
(voz e banda ancha fixa e móbil) para facilitar a xestión dos sistemas de
información e telecomunicacións das empresas españolas.
O lanzamento, que tivo lugar hoxe mesmo, forma parte do acordo global anunciado
entre o Grupo Vodafone e Microsoft
Corporación, e convirte a España nun dos primeiros países onde se están a
integrar os servizos de voz e datos de Vodafone para
empresas con Microsoft Online Services.
Este paquete permítelle aos empresasarios do país, dende os autónomos ata os
directivos dunha empresa con centos de empregados, gozar dos servizos de
telecomunicacións, mensaxería e colaboración máis avanzados, así como eliminar
os custes de mantemento e xestión, ofrecéndolle ao cliente a vantaxe de ter un
único provedor e unha única factura
Con Oficina Vodafone, “a intelixencia da rede móbil substitúe todas as funcionalidades das
centrais tradicionais” e, segundo veñen de informar os seus responsables, “as empresas contan cunha solución de voz
totalmente móbil, co que gañan en eficacia e eficiencia”.
Por outra parte, Microsoft Online
Services, parte da suite
Negocio Productivity Online Suite (BPOS) de Microsoft, é, segundo
aseguran, “o paquete de solucións máis
completo de produtividade e colaboración do mercado, que ofrece alta
dispoñibilidade, seguridade integral e administración de TI simplificada”. Trátase,
segundo afirman, “dunha peza clave dentro
da estratexia de Cloud Computing de Microsoft, pola que a compañía ofrece ao cliente a
flexibilidade e a capacidade de elixir a solución máis idónea para as súas
necesidades de negocio”.
En definitiva, segundo palabras de María Garaña, presidenta de Microsoft
España, "este acordo permitiralle ás
empresas españolas, con independencia do seu tamaño, acceder ás solucións de
telecomunicacións e mensaxería máis avanzadas. Partners,
como Vodafone, están a desempeñar un papel
fundamental neste novo modelo de negocio, axudando aos clientes a optimizar os
seus investimentos en tecnoloxía Microsoft".