Watch Dogs adía o seu lanzamento ata 2014
martes, 15 de outubro do 2013
O
vindeiro 22 de novembro debería chegar a PC, Xbox 360, Xbox One, PlayStation 3,
PlayStation 4 e Wii U un dos meirandes lanzamentos de Ubisoft e moito tempo, o
xogo Watch Dogs, que
pretende amosar o camiño cara ao que irán moitos xogos de nova xeración, e que
finalmente non respectará a data de lanzamento anunciada, adiando a súa comercialización á
primavera de 2014 para poder mellorar a calidade do produto final. Dende o
equipo de desenvolvemento aseguran precisar de “tempo adicional para pulir e afinar
cada detalle para achegar unha experiencia excepcional e memorable”.
En Watch Dogs os xogadores poderemos
asumir o papel de Aiden Pearce, un novo tipo de vixilante, que coa axuda do seu
smartphone empregará a súa habilidade para colarse no sistema operativo central
de Chicago para controlar case cada elemento da cidade. Aiden poderá meterse
nas cámaras de seguridade, descargar información persoal para loclaizar
obxectivos, controlar sistemas como sinais de tráfico e transporte público para
rematar cunha persecución... convertendo á cidade de Chicago na arma
definitiva.
- En Watch Dogs a cidade será un elemento máis da acción