White Knight Chronicles II incluirá a súa precuela

luns, 11 de abril do 2011 Marcus Fernández

Sony vén de amosar cómo serán os deseños das caixas dos xogos White Knight Chronicles II para PlayStation 3 e White Knight Chronicles: Origins para PSP, momento que aproveitaron para confirmar que dentro do mesmo disco Blu-ray do White Knight Chronicles II incluirase unha edición remasterizada e re-desenvolvida da primeira entrega destas aventuras, de xeito que ao arrincar o xogo permitirase elixir entre iniciar a historia dende o comezo ou saltar directamente á segunda parte do épico xogo de rol e aventuras no que o usuario podía desenvolver e personalizar o seu propio estilo de loita e enfrontarse a inimigos descomunais (moi na liña habitual dos títulos nipóns deste tipo).
Estes novos xogos chegarán as tendas españolas o mes que vén, resultando especialmente de agradecer a entrega para PlayStation 3 polo mero feito de que a primeira entrega do xogo chegou ao noso mercado hai pouco máis dun ano (cando o seu lanzamento xaponés fora a finais de 2008), de xeito que desta volta non teremos un retraso tan esaxerado no desembarco europeo deste título.

PUBLICIDADE