Windjammers 2 chegará o 20 de xaneiro
martes, 14 de decembro do 2021
O agardado xogo Windjammers 2, que colle o relevo de
todo un clásico dos salóns recreativos, por fin ten data de lanzamento,
confirmando dende DotEmu que verá
a luz o vindeiro 20 de xaneiro, polo que xa quedan poucas semanas para que
poidamos gozar da secuela do xogo de 1994.
Este novo xogo está previsto para
PC, PlayStation 4, Xbox One e Nintendo Switch (retrocompatibles coas
consolas de nova xeración), destacando o feito de que os subscritores
de Xbox Game Pass poderán gozar das versións de PC e Xbox con xogo cruzado
incluÃdo, polo que de inicio poderá contar cunha base de usuarios moi
ampla, facilitando asà que se forme toda unha comunidade competitiva ao redor
deste tÃtulo competitivo.
Windjammers 2 chegará con 10 personaxes xogables e 10 pistas diferentes nas que
poderán enfrontarse para ver quen consegue as mellores puntuacións nesta
secuela desenvolvida dende cero, mantendo a esencia do xogo orixinal, pero
ofrecendo uns gráficos moi detallados e adaptados a pantallas panorámicas,
novas mecánicas de xogo para gañar profundidade e modos en liña para poder
xogar con amigos ou prosperar na liga clasificatoria.
Tráiler no que dan conta da data de lanzamento de Windjammers 2