Zoom lanza unha nova cámara de vídeo compacta cun micrófono profesional integrado

martes, 17 de xullo do 2012 Marcus Fernández

O fabricante Zoom redefine o mercado das videocámaras compactas coa nova Q2HD, que pese ao seu tamaño compacto (126,9 x 51 x 35 milímetros) é capaz de gravar vídeo de alta definición (Full HD a 30 imaxes por segundo e a 720p a 60 imaxes por segundo) e tomar imaxes de 5 Mpíxeles, aínda que o seu forte é un micrófono estéreo semidireccional que tamén pode configurarse para recoller son nun ángulo de 30/60/90/120 e 150 graos cunha calidade profesional (24 bits a 96 KHz en PCM) que pode empregarse tanto para rexistrar unha entrevista como para gravar un concerto de música.
Este dispositivo cun prezo de 199,99 dólares nos EE.UU. tamén pode conectase a un ordenador para facer retransmisións en vivo a través da Internet con servizos como Ustream, Flash Media Live Encoder ou Skype, destacando tamén pode poder empregarse como micrófono USB incluso nun iPad 2 (ou nun novo iPad).
A cámara Zoom Q2HD é compatible con tarxetas de memoria SDXC de ata 64 Gb de capacidade e conta cunha saída HDMI para poder ver as súas gravacións en alta definición comodamente nun televisor.

JPEG - 42 KB
A Zoom Q2HD é especialmente axeitada para gravar concertos de música

PUBLICIDADE