35 anos do Macintosh

Tim Cook lembrou hoxe na súa conta de Twitter que hai 35 anos foi cando os ordenadores Macintosh dixeron ola ao mundo, ou sexa, que o 24 de xaneiro de 1984 foi cando Steve Jobs presentou ao mundo o seu Macintosh, un ordenador que custaba 2.495 dólares (o que hoxe serían uns 5.300 euros) sen a unidade externa de discos flexibles opcional, o que supuxo un importante salto dende o anterior LISA (que custaba 9.995 dólares).
Falamos dunha máquina que funcionaba cun procesador Motorola 6800 a 8 MHz e 128 KB de RAM, que integraba unha pantalla en branco e negro de 9 polgadas cunha resolución de só 512 x 342 píxeles baixo a que había unha unidade de discos de 3,5 polgadas cunha capacidade de 400 KB. Este equipo vendíase coas aplicacións MacWrite e MacPaint, polo que para moitos usuarios xa era un ordenador apto para traballar. Pouco despois contaría con aplicacións como MultiPlan, Microsoft Word ou Lotus Jazz, aínda que a súa oferta de software sempre foi moi inferior á dos PC. Por fortuna para a marca, en 1985 recibiu aplicacións como MacPublisher ou Aldus PageMaker, ás que logo sumaríanse FreeHand, QuakXPress, Photoshop e Illustrator, consolidando a plataforma para o mundo do deseño e a edición, facilitando que tivese un mercado profesional que contribuíu seriamente a consolidar a marca.
Este equipo chegara precedido por un histórico anuncio titulado 1984 que fora dirixido por Ridley Scott e que pretendía presentar o Macintosh como a salvación para a humanidade do conformismo do Gran Irmán da novela de George Orwell.