A Comisión Europea presentou a súa política para o apoio da banda larga

A comisaria europea de Competencia, Neelie Kroes, presentou hoxe as directrices que seguirá a Comisión Europea para promover a banda larga, de xeito que marquen coma obxectivo que calquera europeo poida acceder á Rede con boa velocidade, para o que agardan que na vindeira década se realice un investimento de 300.000 millóns de euros.
A Comisión considera que deberán ser os operadores os que deberán liderar os investimentos no sector, e á hora de destinar cartos públicos farán distinción entre 3 niveis segundo a competencia en comunicacións que haxa en cada rexión, dando prioridade ás zonas nas que aínda no hai conexións á Internet.