A Industriosa móstranos nun novo obradoiro os fundamentos de KiCad
martes, 16 de maio do 2023
O
vindeiro sábado 20 de maio a sede en Vigo de A
Industriosa acolle unha nova xornada divulgativa de tecnoloxías
creativas, participativas e argalleiras. Trátase dun obradoiro de
Iniciación a KiCad (Deseña e fabrica os teus PCBs). “Neste
curso”, explican dende A Industriosa, “aprenderemos os
fundamentos do deseño de circuítos electrónicos e como utilizar
KiCad, o popular software de deseño de circuítos electrónicos de
código aberto, para crear esquemas e PCB”.
No
obradoiro afondarase en cuestións de utilidade como a colocación de
compoñentes, o uso de librerías, o trazado de pistas e a xeración
de arquivos Gerber para produción.
Este
curso está deseñado como iniciación no deseño de circuítos
electrónicos e non se require experiencia previa en KiCad ou deseño
de PCB.
Ao
final da actividade formativa, as persoas participantes adquirirían
as habilidades necesarias para deseñar esquemas e PCBs utilizando
KiCad.
Para
participar debemos realizar a inscrición de balde en Meetup.
Este
obradoiro está patrocinado pola Xunta e pola Axencia para a
Modernización Tecnolóxica de Galicia (AMTEGA).
