A Pentax K-7 incorpora a gravación de vídeo en alta definición

Pentax anunciou a súa sétima xeración de cámaras réflex, a K-7, que conta cun sensor CMOS de 14,6 Mpíxeles que é capaz de gravar vídeo en alta definición cunha resolución de 1.280 x 720 píxeles a 30 fotogramas por segundo (para o que incluso conta cun conector para micrófono externo).
A Pentax K-7 conta cunha pantalla LCD de 3 polgadas, sensibilidade ISO 100-3.200 (ampliable a 6.400), velocidade de obturación de 1/8.000 a 30 segundos, redución de vibración, e saída de vídeo HDMI (con resolución seleccionable entre 480p, 720p e 1.080i) para poder ver as imaxes captadas nun televisor de alta definición.
Este modelo de alta gama xa pode encargarse, e o seu prezo de venda só para o corpo é de 1.299,95 dólares (944,05 euros), o que supón un importante incremento de prezo (de aproximadamente o 60%) con respecto a outras cámaras de mesmo fabricante que carecen da opción de gravación de vídeo en alta definición, polo que este último elemento sería o que decidira a compra (ou non) desta avanzada cámara réflex dixital.