A mocidade do campo de voluntariado Rural Influencers recibe a visita a directora de Xuventude

A directora xeral de Xuventude, Participación e Voluntariado, Cristina Pichel, visitou na tarde deste xoves 26 de agosto aos participantes no campo de voluntariado Rural Influencers. Esta actividade estase a desenvolver ao longo da presente tempada no concello de Cerdedo-Cotobade. Durante a visita, Pichel puxo en valor “o poder dinamizador da xente nova” e máis das “novas tecnoloxías no rural galego”.
As mozas e mozos que participan nesta actividade, de entre 18 e 30 anos, están a realizar actividades culturais, creativas, participativas e sociais centradas no traballo multimedia cunha exposición de fotos ou con obradoiros de técnica de manexo das redes sociais. Para iso, tiran o máximo proveito das instalacións do CEIP Plurilingüe de Carballedo.
A directora xeral sinalou que as novas xeracións están a sacar proveito das vantaxes do rural galego e dalas a coñecer ao mundo a través das redes sociais e as novas canles de comunicación. “Trátase”, dixo, “dunha oportunidade para dinamizar estas zonas da nosa comunidade e ampliar o coñecemento delas, así como da propia vida dos seus veciños, entre a xente nova”.