ARCHOS comercializará un portátil 2-en-1 económico con Windows 10

Tras anunciar que en novembro vai pór á venda un smartphone con Windows 10 por 129 euros, ARCHOS anuncia que no mesmo mes vai pór á venda por 249 euros un novo ordenador portátil 2-en-1 que a semana que vén amosará na feira IFA de Berlín e que pode resultar moi práctico para os usuarios que queren gozar da versatilidade das tabletas, pero sen prescindir á informática persoal tradicional.
O ARCHOS Flip será un ordenador portátil con pantalla táctil de 11,6 polgadas cunha resolución de 1.366 x 768 píxeles, procesador Intel Cherry Trail Z8300, 2 GB de RAM, 32 GB de almacenamento interno (ampliable mediante tarxetas microSD), Bluetooth 4.0, Wi-Fi, GPS, webcam de 2 Mpíxeles, USB 3.0, saída HDMI, batería de 8.000 mAh e sistema operativo Windows 10.