Acer anuncia os seus Ultrabooks táctiles con Windows 8
martes, 2 de outubro do 2012
Preparándose
de cara ao lanzamento do Windows 8 a finais de mes, Acer confirma que xunto coa
estrea do novo sistema operativo de Microsoft vai colocar no mercado a súa nova
familia de ordenadores portátiles Aspire S7, que chegan en configuracións
moi semellantes aos dos MacBook Air de Apple pero cun lixeiro incremento de
prezo provocado polo feito diferencial de que contan con pantalla táctil de
alta definición.
Os novos equipos están fabricados nunha carcasa unibody de aluminio, o que permÃtelles ser moi lixeiros, as súas
pantallas IPS teñen unha resolución de 1.920 x 1.080 pÃxeles e detectan ata 10 dedos
en pantalla, as súas pantallas teñen tamaños de 11,6 ou 13,3 polgadas con Gorilla
Glass 2, algúns dos modelos pode abrirse ata 180 graos (permitindo inverter a
pantalla con só premer unha tecla pensando en usos colaborativos do equipo),
contan cun sistema de refrixeración chamado TwinAir que alarga a vida da
baterÃa e mantén o equipo a unha temperatura que o fai cómodo de usar, a
retroiluminación do teclado axústase ás condicións lumÃnicas, fan uso de
unidades SSD e a súa baterÃa achégalles unha autonomÃa de 6 horas (duración que
pode dobrarse cunha baterÃa adicional opcional). Tamén inclúe adaptador micro
HDMI a VGA (para poder empregar os equipos con vellos proxectores de vÃdeo),
adaptador USB a RJ45 (para poder conectalo a redes locais de cable), software
anti-roubo e tecnoloxÃa de inicio rápido (pode recuperarse dun estado de
repouso en 1,5 segundos).
A espera de coñecer os prezos europeos podemos comentar a canto se venderá nos
EE.UU.: O Acer Aspire S7-191-6640, con pantalla de 11,6 polgadas, procesador
Intel Core i5, SSD de 128 Gb e 4 Gb de RAM custará 1.200 dólares; o Aspire
S7-391-6810 mellora ao anterior modelo cunha pantalla de 13,3 polgadas que
eleva o seu prezo ata 1.400 dólares; e finalmente o Aspire S7-391-9886 supera
ao anterior en procesador (un Intel Core i7) e capacidade de almacenamento (256
Gb) o que sitúa o seu prezo de venda nos 1.650 dólares. Todos prezos que
parecen afastados do usuario medio, pero que resultan bastante axustados para
usuarios que precisan elevadas prestacións, alta mobilidade e as posibilidades
que abre Windows 8 en equipos con pantallas táctiles.