Acer estrea un smartphone de gama media con pantalla de 4,5 polgadas

xoves, 24 de xaneiro do 2013 Marcus Fernández

Acer continúa a incrementar a súa gama de móbiles Android de gama media, e agora incorpora á mesma o Acer Liquid E1, que equilibra o seu procesador de dobre núcleo a 1 GHz cunha pantalla de 4,5 polgadas de 960 x 540 píxeles, polo que pode resultar interesante para quen desexe un móbil con Android 4.1.1 con grande pantalla e un prezo axustado.
O Acer Liquid E1 conta con cámaras de 5 e 0,3 Mpíxeles, 1 Gb de RAM, 4 Gb de almacenamento interno ampliable mediante microSD, Wi-Fi N, Bluetooth 3.0, receptor de radio FM e batería de 1.760 mAh (o que permitiría ata 8 horas de conversa e 400 horas en espera). O seu grosor é de só 9,9 milímetros e pesa 130 gramos.

PUBLICIDADE