Acer presenta un portátil cunha pantalla de 18,4 polgadas

martes, 3 de novembro do 2009 Marcus Fernández

O achegamento das pantallas dos ultraportátiles de baixo custo ás 12 polgadas iniciou un debate sobre o que é ou non un ultraportátil, de xeito que a barreira que separa un equipos deste tipo dun portátil cativo parece ben limitada, o que non acontece cos grandes tamaños, de xeito que o novo Acer AS8940G-6865 fainos dubidar de se realmente é un ordenador portátil, pois estamos ante un equipo cunha pantalla de 18,4 polgadas, que podería considerarse practicamente coma un equipo de sobremesa.
Este xigante conta cunha pantalla de 18,4 polgadas cunha resolución de 1.920 x 1.080 píxeles con retroiluminación LED, procesador Intel Core i7 a 1,6 GHz, 4 Gb de RAM, tarxeta gráfica nVIDIA GeForce GTS 250M con 1 Gb de memoria dedicada, disco duro SATA de 500 Gb a 5.400 rpm, Blu-ray con gravadora de DVD, multi-lector de tarxetas, Wi-Fi N, webcam, 5 portos USB 2.0, 1 porto HDMI, 1 porto eSATA, son Acer CineSurround Sound System (integra 5 altofalantes), batería de 8 celas (4.800 mAh), o sistema operativo Windows 7 Home Premium de 64 bits e un prezo de 1.349,99 dólares (916,71 euros).

PUBLICIDADE