AirBar permite converter en táctil a pantalla do noso portátil
martes, 13 de decembro do 2016
Para converter as pantallas ordinarias en pantallas táctiles
existen numerosas solucións no mercado dende hai bastante tempo, e unha das que
está a resultar máis curiosa, que por fin inicia a súa comercialización, é a
Neonode AirBar, unha barra sensora que
podemos colocar na parte inferior da pantalla do noso portátil (en tamaños de
13,3, 14 e 15,6 polgadas) e conectar por USB para proxectar un campo de luz
invisible que permite non só detectar toques dos dedos en pantalla, senón tamén
interpretar xestos táctiles para facilitar o zoom, os desprazamentos ou os
pasos de páxina como nunha pantalla táctil ordinaria, coa vantaxe de que incluso
funcionarÃa con luvas postas.
A AirBar véndese oficialmente a 69 dólares (aÃnda que en
Amazon.de o seu prezo é de 80,05 euros) de xeito que serÃa un método
relativamente económico para poder gozar de prestacións táctiles nun equipo
portátil con Windows 8 ou Windows 10 sen ter que renovalo por convertible. Este
sistema é plug-and-touch, de xeito
que para operar con el chega con colocalo e enchufalo, sen precisar de
calibración de ningún tipo.
- Con só colocar a AirBar na parte inferior da pantalla xa podemos interactuar coa súa superficie de xeito táctil baixo Windows