AirVolt permite cargar o iPhone sen cables

xoves, 13 de maio do 2010 Marcus Fernández

A tenda en liña ThinkGeek vén de incorporar en exclusiva ao seu catálogo o AirVolt, un dispositivo que permite recargar a batería dun iPhone 3G ou 3GS a través de indución á mesma velocidade que o sistema de carga tradicional, pero evitando o uso de cables ou adaptadores, e que tamén conta cun porto USB adicional para cargar outro dispositivos.
O AirVolt vén a ser un soporte de 14 x 11,5 centímetros conectado a corrente e capaz de cargar un iPhone con só colocalo sobre el, e aínda que non é un produto licenciado por Apple, de seguro que vai ter unha boa acollida, especialmente porque, pese a ser revolucionario, o seu prezo é moderado, custando 49,99 dólares (38,99 euros), mentres que a Base Dock oficial véndese por 25 euros.


Vídeo no que amosan o funcionamento do AirVolt

PUBLICIDADE