Avatel inaugura tenda no Porriño, onde puxo a súa fibra ao servizo de máis de 5.000 fogares
luns, 18 de xullo do 2022
A
operadora
Avatel inaugurou a semana pasasda unha nova sede en Galicia,
concretamente no Porriño. O acto de apertura oficial contou coa
presenza do alcalde, Alejandro Lorenzo, o tenente de alcalde, Abel
Estévez, o concelleiro de Novas Tecnoloxías, Bienvenido Estévez, a
directora de Tendas de Avatel, Paola Mirasol, e o responsábel da
firma no Porriño, Carlos Garabatos. A operadora de
telecomunicacións, moi centrada no rural, quere dar continuidade ao
seu despregue no concello, onde implantou banda larga e puxo a súa
Internet de alta velocidade ao alcance de máis de 5.000 fogares e
empresas do Porriño. A fibra óptica de Alvatel acada capacidades de
1 Gbps.
Ademais,
a infraestrutura da operadora levou conectividade a Internet por
primeira vez ás vivendas do Polígono Torneiros, onde ata o de agora
as empresas alí presentes carecían dela.
O
rexedor e a directora de Tendas de Avatel, Paola Mirasol, mantiveron
unha reunión sobre a marcha do proxecto con motivo da inauguración
da tenda na localidade, situada na rúa Antonio Palacios. Nela,
puxeron en valor o investimento da operadora no municipio, realizada
con fondos propios, co obxectivo de achegar conectividade
ultrarrápida no centro urbano.
Lorenzo
mostrou a súa satisfacción pola apertura dun novo establecemento na
localidade e incidiu na necesidade de “contar con fibra óptica
para os veciños e veciñas de Porriño”. Segundo o alcalde “a
conectividade neste momento é algo tan importante como calquera
outro dos servizos esenciais” e por iso lembrou que dende o
Consistorio ofrécese “toda a colaboración ás operadoras para
conseguir que o despregamento de fibra chegue a todas as vivendas do
termo municipal”.