BlackBerry lanzará o seu primeiro smartphone con Android antes de rematar o ano

venres, 25 de setembro do 2015 Marcus Fernández

JPEG - 118 KB
Fotografía filtrada na que podemos ver como se supón que será o futuro BlackBerry Priv

Tras moitos rumores tivemos que agardar á presentación dos resultados do segundo trimestre fiscal de 2016 de BlackBerry para que o director xeral da compañía, John Chen, confirmase que están a preparar o lanzamento de Priv, o primeiro smartphone con Android da súa compañía, que buscará trasladar ao sistema operativo promovido por Google as prestacións propias dos dispositivos de BlackBerry orientadas a combinar produtividade e seguridade.
Aínda que continuarán a lanzar terminais con BlackBerry 10, confírmase que o BlackBerry Priv será o dispositivo que até o momento recibía o nome chave Venice, e que trátase dun smartphone con teclado QWERTY deslizante. O novo teléfono incluirá Android for Work na plataforma BES12, procurando así un nivel de seguridade propio dos contornos empresariais e espérase que chegue ao mercado a finais de ano na meirande parte de mercados.
Nas vindeiras semanas darán máis detalles deste smarphone que podería ten unha grande acollida no sector empresarial.

PUBLICIDADE