Bq presenta novos smartphones con 4G e Lollipop

martes, 24 de febreiro do 2015 Marcus Fernández

O fabricante español Bq anunciou esta mañá o crecemento do seu catálogo de smartphones coa nova familia Aquaris M, que estará composta por terminais con pantallas de tamaño de 4,5, 5 e 5,5 polgadas e cor branca ou negra que chegarán de xeito progresivo ao mercado a partires do mes de maio.
Estes novos smartphones funcionarán con Android 5.0 e terán conectividade 4G, buscando así axustarse ás demandas do público, mantendo a relación calidade-prezo propia desta marca que no noso territorio conseguiu colocarse no segundo posto en vendas, só por detrás de Samsung.
Estes novos teléfonos funcionarán con procesadores Qualcomm Snapdragon 615 e MediaTek 6735 (de 64 bits), terán 8/32 GB de almacenamento interno (ampliable mediante tarxetas microSD de até 32 GB), gozarán de cámara traseira de 13/8 Mpíxeles e frontal de 5 Mpíxeles, terán dobre SIM, Bluetooth 4.0 e batería de 2.400 mAh.

PUBLICIDADE