Chega a España o Nokia Lumia 635
mércores, 2 de xullo do 2014
Os usuarios que desexen un terminal móbil coa última versión
de Windows Phone e conectividade 4G, poden xa dende agora adquirir en España o Nokia Lumia 635,
que está á venda libre por 179 euros (podendo adquirirse a prezos máis
axustados a
través de operadores móbiles como Orange).
Estamos ante un smartphone con pantalla IPS de 4,5 polgadas cunha rresolución
de 854 x 480 píxeles, procesador Qualcomm Snapdragon 400 de catro núcleos a 1,2
GHz, 512 Mb de RAM, 8 Gb de almacenamento interno (ampliable mediante tarxetas
de memoria de até 128 Gb), cámara traseira de 5 Mpíxeles, Bluetooth 4.0,
batería de 1.830 mAh, un grosor de 9,2 milímetros e un peso de 134 gramos, que
non só presume dunha construción robusta, senón tamén de Windows Phone 8.1, de
xeito que ofrece dende o software ofimático de Microsoft até os mapas Here de
Nokia, pasando por novidades moi atractivas como o novo centro de notificación,
unha mellor integración coas plataformas sociais e un teclado que permite
escribir palabras sen despegar o dedo da pantalla.
