Compostela Monumental achegou formación en tecnoloxías de venda e atención á clientela

A patronal do centro histórico de Santiago, Compostela Monumental, vén de rematar as actividades formativas do seu curso Tecnoloxías Aplicadas á Venda e Atención á Clientela, encadrado no seu Programa Integrado de Emprego e contando coa colaboración da Xunta de Galicia. Compostela Monumental capacitou ás persoas asistentes no emprego e no manexo das ferramentas telemáticas dispoñíbeis para conseguir unha atención integral ao cliente.
Esta acción, na modalidade de teleformación, tivo unha duración de 20 horas.
O Programa Integrado de Emprego de Compostela Monumental finalizará en novembro de 2024 cun obxectivo mínimo de inserción do 45% e conta coa colaboración da Dirección Xeral de Formación para ou Emprego e Orientación da Xunta de Galicia.
Ademais, tamén chegou á súa finalización o curso Atención ao Cliente e Calidade do Servizo de Compostela Monumental, que proporcionou habilidades, recursos e técnicas para mellorar a relación e o trato co cliente e satisfacer as súas expectativas, mellorando a calidade no servizo prestado. Este curso desenvolveuse en formato presencial cun total de 25 horas impartidas por Recursos Galicia no Salón de Actos que Compostela Monumental ten na Algalia de Arriba 31.