DigiDesign incrementa a mobilidade das súas Pro Tools para a edición musical

Os afeccionados á edición musical no seu ordenador poderán empregar agora o seu portátil para estas tarefas grazas ó Mbox 2 Micro de DigiDesign, que nun pequeno dispositivo USB abre as portas ó software Pro Tools (inclúe a versión LE) e ós seus engadidos, de xeito que permite a edición, mestura e secuenciación de música, a composición de bucles e o uso de instrumentos virtuais cun son de alta calidade (24 bits e 48 KHz).
O Mbox 2 Micro ten un conector para auriculares ou altofalantes con roda de volume, de xeito que só inclúe saída de son (mentres que os dispositivos Mbox 2 Mini do mesmo fabricante tamén inclúe entradas, aínda que cun tamaño moito menos compacto), mide 8,9 x 3,17 x 1,11 cm e pesa 34 gramos. Sairá á venda en novembro por 280 dólares.