Elgato facilita ver a televisión en dispositivos móbiles
venres, 31 de agosto do 2012
- O EyeTV Mobile pode converter o iPad ou o iPhone nun televisor
Elgato anunciou que en setembro vai pór á venda en Europa un
par de receptores de TDT pensados para dispositivos móbiles, de xeito que
facilitan ver a televisión en smartphones
e tablets. O primeiro destes dispositivos serÃa o EyeTV Mobile, produto que
xa existÃa no catálogo de Elgato, pero que na súa revisión reduce o seu tamaño.
Este receptor de TDT pode colocarse no conector
dock do novo iPad, do iPad 2 ou do iPhone 4S para recibir o sinal
televisivo a través dunha aplicación que podemos descargar de balde da App
Store. O seu prezo de venda será de 89,95 libras esterlinas.
Pero máis interesante resulta o EyeTV Micro, que en vez de servir para dotar de
TDT aos trebellos de Apple, fai o propio cos de Android, empregando como
interface de comunicación un conector micro USB (polo que tamén poderÃan
empregarse nun PC ou Mac). O prezo de venda do trebello será de 54,95 libras
esterlinas, e para que funcione en terminais móbiles precisa de procesador de
dobre núcleo e sistema operativo Android 4.0.3 ou superior (para o que tamén
conta cunha aplicación de balde en Google Play).
- Os novos receptores de TDT de Elgato son aptos para trebellos con iOS e Android