FESTGalicia.gal preséntase na Ourense ICC Week
xoves, 4 de abril do 2019
A
ICC Week, a semana das
industrias culturais e a innovación de Ourense, está estes días
acollendo actividades que nos serven para coñecer a vangarda do noso
pulo creativo en calquera das súas manifestacións. Un exemplo disto
foi a presentación da plataforma FESTgalicia.gal,
cuxos vindeiros pasos foron
dados a coñecer polo director da axencia AGADIC, Jacobo Sutil.
Segundo lembrou no relatorio específico sobre a plataforma, a través
desta búscase promover o turismo musical (e Galicia como destino
musical) seguindo criterios de “calidade, sustentabilidade e
responsabilidade social”.
A
plataforma, que tamén é marca, acolle festivais que funcionan de
xeito profesional e que se preocupan por achegar ingredientes extra
(valores solidarios, sociais, culturais, artísticos, económicos,
etc) á contribución puramente artística. FEST Galicia sería un
evento practicamente pioneiro a nivel estatal en atermia de turismo
de festivais. A posta en marcha da iniciativa é froito do traballo
de AGADIC en estreita colaboración cos certames adheridos e a
Asociación de Festivais de Galicia.
Amais
de todo o devandito, Sutil avanzou que este venres o Diario Oficial
de Galicia (DOG) publicará unha nova convocatoria de adhesión á
marca para festivais que se celebren entre o 1 de xuño e o 30 de
setembro de 2019. Trátase dunha resolución conxunta entre a AGADIC
e Turismo de Galicia, que destina 350.000 euros a consolidar e
impulsar a estratexia de colaboración que se iniciou o ano pasado, e
inclúe tamén a achega económica da Secretaría Xeral de Igualdade
para as accións relacionadas coa campaña Agresión OFF. Eu digo
non á violencia sexual.