Festival de cores para a volta á uni e ao insti
xoves, 25 de setembro do 2008
Port Desings, empresa fabricante de
solucións de transporte, protección e ergonomía para ordenadores portátiles,
vén de presentar a súa nova liña de fundas de neopreno para este tipo de
dispositivos que, como novidade e para que non esquezamos de todo as vacacións,
veñen nunha chea de cores que nos lembran ao verán e á alegría do bo tempo.
As fundas Miami,
para ordenador portátil e Kyoto Colors, para disco duro, ofrécense como “a solución perfecta” para transportar
os dispositivos electrónicos que precisamos no noso día a día con maior
seguridade, sen deixar de ofrecerlle un toque de “frescura” e bo humor ao noso lugar de estudo ou traballo.
Ambos modelos
están dispoñibles en seis cores diferentes: laranxa, rosa, vermello, verde,
azul mariño e violeta, para que o usuario poida escoller o que mellor se adapta
aos seus gustos persoais, estado de ánimo ou, por qué non (para os máis
presumidos e presumidas) ás tonalidades da súa vestimenta; iso si, tódalas
fundas presentan cadanseu ribete e
cremalleira nunha discreta cor branca.
Asemade, pola súa
composición (de neopreno de alta calidade), estas fundas non só son atractivas
para lucir entre os máis achegados e demais familia, senón que son o accesorio
perfecto para pasar o portátil polo detector de raios X dos aeroportos sen que
se resintan os nosos arquivos e para protexelo do po do escritorio que se mete
entre as súas pezas.
As fundas Miami
están dispoñibles en catro formatos diferentes, para portátiles de 9-10”, 12-13,30”, 14-15,4” e 17” e o seu prezo é de 15,90
euros.
Tanto as
devanditas fundas como as Kyoto Colors para discos duros de 2,5” (dispoñibles na mesma
gama que as Miami) están dispoñibles en tódalas tendas Fnac, Mediamarkt e
distribuidores especializados.