General Electric pon á venda lámpadas LED conectadas a un prezo asumible
martes, 1 de xullo do 2014
As lámpadas conectadas, que poden controlarse mediante
sistemas de domótica ou mesmo dende dispositivos móbiles, teñen habitualmente
uns prezos bastante elevados, e para animar aos consumidores a comezar a empregar
este tipo de tecnoloxÃa General Electric (GE) comezou a vender a través de Home
Depot as que poderiamos considerar as
primeiras lámpadas deste tipo a un prezo asumible, xa que as GE Link parten
dun prezo de 14,97 dólares (10,94 euros) para a
súa lámpada LED máis básica (equivalente a unha lámpada incandescente de
60W) até os 24,97 dólares (18,25 euros) para o
modelo máis potente (equivalente a unha lámpada incandescente de 90W),
sendo posible tamén facerse cun par
de lámpadas básicas e o seu controlador por só 49,97 dólares (36,51 euros).
Esta solución foi desenvolvida por GE, e consiste en agochar no interior das
lámpadas LED un chip que pode conectarse á Rede sen fÃos, para poder
controlalas a través dunha aplicación móbil chamada Wink, que non só permite
acender e apagar lámpadas a distancia, senón que tamén facilita a súa
programación, de xeito que podemos facer que empreguemos a iluminación do fogar
a xeito de espertador, ou que podamos simular que estamos na casa cando imos de
vacacións.
Para que estas lámpadas poidan conectarse en rede precisan da axuda dun controlador
que está á venda por 29,97 dólares (21,9 euros) que fai de ponte para a
comunicación e permite que poidamos xestionar cada lámpada de xeito
independente ou en grupo.