Grande éxito de Invizimals en España

A realidade aumentada parece unha tecnoloxía chegada para quedar, e coma exemplo de éxito temos o uso que fai da mesma o videoxogo para PSP Invizimals, que desenvolvido polo estudo español Novarama superou as 25.000 unidades vendidas en España.
James Armstrong, vicepresidente senior do Sur de Europa e conselleiro delegado de España e Portugal de Sony Computer Entertainment recoñece que «estamos a ter problemas de abastecemento, pero estamos a facer todo o posible para atender a enorme demanda existente».
Invizimals comercialízase por 49,99 euros nun pack que inclúe o xogo, unha trampa para capturar as criaturas virtuais do mesmo e unha cámara Go!Cam, que serviría para captar as imaxes da realidade, na que veriamos representados uns pequenos monstros invisibles ao ollo humano, e que podemos capturar, seguindo unha mecánica á que xa están afeitos moitos cativos grazas a xogos coma os que conforman a franquía de Pokémon.

Anuncio televisivo de Invizimals