Gravador de vídeo en VHS, DVD e disco duro

xoves, 5 de xuño do 2008 Marcus Fernández

Victor-JVC presentou no Xapón un novo gravador de vídeo sorprendente pois incorpora nun mesmo dispositivo VHS, DVD e disco duro, incorporando conector HDMI (para televisores de alta definición), conector DV, sintonizador analóxico e dixital (compatible coa alta definición), soporte de DTS e Dolby Digital, saídas S-VHS e de vídeo composto e dous mandos a distancia (un sinxelo e outro completo).
O DR-HX500 inclúe un disco duro de 500 Gb e se venderá en xullo a 95.000 iens (579,5 euros), mentres que o modelo DR-HX250 conta cun disco de 250 Gb o que reduce o seu prezo a 75.000 iens (475,5 euros). As gravacións televisivas poden facerse tanto nos discos duros mencionados coma en cintas VHS e en discos DVD-R e DVD-RW.

PUBLICIDADE