Insta360 estrea un micrófono sen fíos ultracompacto

Nos últimos meses resulta case imposible gozar dunha sesións de vídeos de YouTube sen ver a algún creador de contidos empregando un dos compactos micrófonos Lark M2 de Hollyland, célebres polo seu tamaño compacto. Coñecedores deste fenómeno, dende Insta360 anuncian hoxe o novo micrófono Mic Air, con forma circular cun diámetro de menos de 27 milímetros e un peso de 7,9 gramos, que poden levarse comodamente mediante un clip, cun botón magnético ou como colgante.
Este micrófono omnidireccional rexistra o son a 48 kHz, integra tecnoloxía anti-vento e cancelación avanzada de ruído e pode empregarse en combinación cun receptor ou funcionan directamente con cámaras como a Insta 360 X5 e a Insta360 Ace Pro 2.
O Insta360 Mic Air ten unha batería que ofrece ata 10 horas de autonomía e o seu alcance sen fíos é dun cento de metros (aínda que en certas condicións a autonomía podería caer ata as 7,5 horas e a distancia de transmisións a uns 30 metros).
Este micrófono solto ten un prezo de só 59,99 euros, mentres que cun receptor USB-C (que pode conectarse directamente a un smartphone) custaría 85,99 euros.