Intel pecha o seu grupo de desenvolvemento de wearables

A pouco máis de dous meses de desvelarse que Intel estaba a traballar nunhas lentes conectadas discretas, que probablemente conseguirían trunfar alí onde fracasaron as Google Glass por detalles como carecer de cámara para non entremeterse na intimidade das persoas, semella que podemos dar o proxecto por morto, pois aínda que as Vaunt terían a súa tecnoloxía o suficientemente madura como para poder achegala a fabricantes a finais de ano, non parecen atender a unha demanda real do mercado, polo que finalmente decidiron pechar a división encargada de desenvolver produtos wearables.
A tecnoloxía de proxección retinal das Vaunt era completamente revolucionaria, e podería supor un importante avance, pero Intel non parece quere realizar grandes investimentos con moitas dúbidas da súa recuperación, xa que nos últimos anos vimos como a tecnoloxía wearable non consegue callar na poboación, cando menos con produtos de elevado prezo, que teñan marxe dabondo para compensar a aposta necesaria en I+D.