LG presenta un móbil con teclado QWERTY e dobre pantalla táctil

luns, 24 de outubro do 2011 Marcus Fernández

Cos mozos afeitos ao envío de mensaxes de texto e outras ferramentas de mensaxería instantánea en mente presentan o LG Doubleplay, un interesante terminal con teclado deslizante QWERTY separado en dous bloques laterais (pensando no tecleo empregando os dedos polgares) separados por unha pequena pantalla táctil secundaria que pode servir para acoller atallos a distintas aplicacións do móbil.
Estamos ante un terminal con pantalla principal táctil de 3,5 polgadas que funciona con Android 2.3, procesador Qualcomm Snapdragon a 1 GHz e cámara traseira de 5 Mpíxeles con flash LED e capaz de gravar vídeo a 720p, GPS, Bluetooth, Wi-Fi, lectura de tarxetas microSDHC de ata 32 Gb, ou sexa, un móbil de gama media, que pode resultar de grande interese para os amantes das SMS ou de aplicacións como Whatsapp, e que dentro dun par de semanas vai comezar a vender nos EE.UU. o operador T-Mobile.

PUBLICIDADE