LIDL venderá auriculares sen fíos

Unha vez máis os supermercados LIDL sorprenden incorporando ao seu catálogo produtos tecnolóxicos, que desta volta son uns auriculares de botón sen fíos cun deseño claramente inspirado nos AirPods de Apple, pero en cor negra, e que o vindeiro día 25 chegarán ás tendas a un prezo de 19,99 euros.
Estes auriculares Bluetooth 5.0 integran baterías de 40 mAh cada un para permitir unha autonomía de até 3 horas de reprodución musical que poden recargarse no seu estoxo (con capacidade para 5 cargas completas) cunha batería de 550 mAh que pode cargarse por USB ou por indución (son compatibles con carga Qi). Os auriculares tamén conta con micrófono para poder falar por teléfono e botóns para o control das chamadas e a reprodución musical.
Aínda que a autonomía dos auriculares sexa bastante limitada, o seu prezo competitivo levan a entender que estaremos ante un produto que vai colleitar boas vendas, facendo que LIDL compita con marcas como Xiaomi ou Realme.