LaCie presenta a solución de almacenamento externo portátil máis rápida do mundo
mércores, 12 de marzo do 2014
Seagate Techonology presentou a que promete ser a solución
de almacenamento portátil máis rápida da historia, a nova unidade LaCie Little Big
Disk con tecnoloxía Thunderbolt 2, que ofrece velocidades de ata 1.375 Mbytes/seg.,
resultando ideal para os profesionais que precisan editar vídeo el ultra alta
definición sobre o terreo.
Para que esta unidade que pode transportarse incluso dentro da bolsa dun
ordenador portátil poida conseguir estas excelentes prestacións combina no seu
interior dúas unidades SSD PCIe de segunda xeración cunha capacidade de 500 Gb
cada unha, que funcionan en cadea para poder conseguir as velocidades de
transferencia máximas de Thunderbolt 2, destacando o feito de que, de
conectarse en paralelo ao novo Mac Pro de Apple conseguiríanse velocidades de
ata 2.600 Mbytes/seg. Estamos así ante un equipo capaz de operar dez veces máis
rápido que calquera disco duro portátil USB 3.0, podendo transferir 300 Gb de
imaxes gravadas en 4K en menos de 3 minutos.
Ao contar con 2 portos Thunderbolt 2, o Little Big Disk de LaCie pode
conectarse en cadea con outros dispositivos, de xeito que poderían enlazarse
ata 5 unidades distintas e tamén unha pantalla 4K, e conectalos ao ordenador
mediante un único cable, creando un contorno de traballo cun uso de cableado
moi optimizado á vez que tamén resulta moi silencioso, pois as unidades teñen
un sistema de refrixeración moi silencioso (no que o ventilador só entra en
funcionamento cando é preciso, mentres que o resto do tempo chégalle cun par de
placas de aluminio que disipan a calor).
Esta nova unidade está xa á venda cunha capacidade de 1 Tb por 1.259 euros.
Vídeo de presentación da nova unidade externa de LaCie
