Linksys lanza un router con conectividade Wireless-N e Gigabit Ethernet

venres, 13 de outubro do 2006 Marcus Fernández

As necesidades multimedia no fogar fai que as redes informáticas domésticas procuren cada vez máis capacidade para poder reproducir vídeos de xeito remoto e moitos outros servizos que consumen moito largo de banda, polo que a aparición de routers coma o Linksys WRT350N non debería sorprender.
O WRT350N caracterízase por empregar unha tecnoloxía de comunicacións sen fíos que pode chegar a multiplicar por 12 a velocidade dunha rede baseada no estándar IEEE 802.11g, polo que permitiría reproducir vídeo en alta definición a través dunha rede sen fíos.
Ademais, o novo router de Linksys destaca especialmente por ter portos para unha rede física Gigabit (algo pouco habitual nos dispositivos domésticos) e por contar cun porto USB que permite a conexión dun disco duro para o seu uso compartido na rede, o que o converte nunha solución moi atractiva para achegar contidos a tódolos ordenadores do domicilio.
O prezo deste dispositivo aínda é un tanto elevado (uns 229 dólares) pero supón unha evolución para as redes domésticas con tecnoloxía sen fíos.

PUBLICIDADE