MEDION anuncia o seu ultraportátil a 399 euros

Os fabricantes asiáticos non son os únicos que plantan cara a Asus e o seu Eee, e a empresa xermana MEDION vai introducir nos vindeiros días no mercado europeo o seu propio ultraportátil de baixo custo.
O MEDION Akoya E1210 contará cunha pantalla de 10 polgadas, un procesador Intel Atom, 1 Gb de RAM, 2 portos USB, lector de tarxetas de memoria, saída de VGA, webcam de 1,3 Mpíxeles, disco duro de 1,8 polgadas, Ethernet, un peso de só 1,2 quilogramos e un prezo que partirá dos 399 euros.
O equipo poderase adquirir tanto co sistema operativo Linux coma con Windows XP.