Nova cámara 3D compacta de Rollei

xoves, 23 de decembro do 2010 Marcus Fernández

O fabricante xermano de cámaras dixitais Rollei quere comezar 2011 cunha importante aposta polas 3D, o que comeza pola cámara PowerFlex 3D, que conta con 2 sensores CMOS que toma imaxes estereoscópicas cunha resolución máxima de 2.592 x 1.944 píxeles (5 Mpíxeles) e vídeos en alta definición (1.280 x 720 píxeles a 30 cadros por segundo) amosando as imaxes captadas nunha pantalla LCD de 2,8 polgadas cunha resolución de 640 x 480 píxeles que permite a visualización de imaxes tridimensionais sen o uso de lentes especiais, coma fará tamén a pantalla da futura Nintendo 3DS. O prezo da cámara que sairá á venda en xaneiro será de 299,95 euros.
Rollei tamén comercializará simultaneamente o marco dixital de 7 polgadas Designline 3D, que cunha resolución de 800 x 480 píxeles tamén permite a visualización de imaxes e vídeos tridimensionais, eliminando así a necesidade de contar cun caro televisor 3D para poder gozar comodamente das imaxes captadas coa nova PowerFlex 3D.

JPEG - 115.3 KB
A Cámara Powerflex 3D incorpora unha pantalla auto estereoscópica
JPEG - 102 KB
O marco dixital Designline 3D permite ver imaxes estereoscópicas sen facer uso de lentes

PUBLICIDADE