Nova cámara compacta de Casio con pantalla e marco rotatorios

Casio amplía a súa familia de cámaras dixitais EXILIM coa nova EX-TR150, que destaca por contar con pantalla e un marco rotatorios, e integrar un modo beleza orixinal de Casio que asegura a realización de retratos fermosos mediante filtros de alisado e eliminación de sombras que se empregan grazas ao recoñecemento de caras e ao axuste automático da exposición.
A Casio EX-TR150 ofrece moitas posibilidades á hora de facer fotografías e gravar vídeos, en boa medida grazas ao seu marco que pode xirar ata 360 graos sobre a lente e a pantalla ata 270 graos. O seu sensor retroiluminado CMOS pode tirar instantáneas a 12,1 Mpíxeles, gravar vídeos Full HD, ten unha pantalla táctil de 3 polgadas, o seu grande angular facilita a realización de auto-fotos e completa as súas funcionalidades artísticas con numerosos filtros como a función Decoración, modo Premium Auto, tecnoloxía HDR e función panorámica, de xeito que teremos un produto moi compacto e versátil, ideal para sacar fotografías en familia ou cos amigos. Sae á venda en branco e fucsia por 199 euros.