Novo trackball de Genius pensado para portátiles

mércores, 19 de decembro do 2007 Marcus Fernández

Os usuarios de portátiles que non se afagan ós touchpads, e que o rato non sexa axeitado para eles, pode recuperar a solución tecnolóxica que era máis popular hai anos, pois Genius estreou o mini trackball Traveler 350, que se conecta por USB o equipo e inclúe dúas teclas de atallo (programables) pensadas para utilizar o Flip 3D de Windows Vista así como o acceso instantáneo á reprodución multimedia.
O Genius Traveler 350 só mide 190 x 142 x 48 mm e pesa 77 gramos, polo que resulta doado de transportar xunto co portátil. Se pode configurar tanto para a man esquerda como para a dereita e funciona para os sistemas operativos Windows 2000/XP/Vista e Mac OS X 10.2.8 ou superior.

PUBLICIDADE