O Asus ROG Phone II quere liderar o sector dos móbiles para xogar

A familia Republic of Gamers (ROG) de Asus recibiu o ano pasado un smartphone orientado ao uso de videoxogos, o The ROG Phone, que en novembro chegou a España a un prezo de 899 euros, e que actualmente pode adquirirse por 599/799 euros (con 128/512 GB de almacenamento interno).
Aínda que o mercado deste tipo de produtos é moi cativo, os fabricantes parecen confiar no seu potencial, de aí que estean a presentar o The ROG Phone II, que presume de ser o primeiro smarphone do mundo cunha pantalla AMOLED a 120 Hz, á vez que tamén sería o primeiro en incorporar un procesador Qualcomm Snapdragon 855 Plus. Outra das súas grandes novidades será a integración de 2 motores de vibracións para conseguir unha experiencia de xogo máis inmersiva.
The ROG Phone II conta unha versión mellorada do seu sistema de refrixeración (que presume de ser 4 veces máis silencioso, á vez que reduce a temperatura da superficie do móbil até 5 graos centígrados). Aínda que este terminal pode empregarse como un smartphone ordinario, o seu potencial chega cos seus accesorios, como o TwinView Dock II que facilita a conexión do móbil ao televisor e o ROG Kunai Gamepad (para ter controis físicos), facendo que esteamos ante unha proposta que pode lembrar a unha Nintendo Switch. Tamén comercializarán un accesorio que engade unha segunda pantalla.
O novo smartphone ten unha pantalla de 6,59 polgadas cunhas resolución de 2.340 x 1.080 píxeles, 12 GB de RAM, 512 GB de almacenamento interno, cámara traseira dual de 48 e 13 Mpíxeles (a segunda de grande augular), cámara frontal de 24 Mpíxeles, batería de 6.000 mAh con carga rápida de 30 watts (que cárgase por completo en 2 horas, aínda que en 58 minutos consegue chegará xa aos 4.000 mAh) e incluso unha antena Wi-Fi cuádrupla para garantir unha mellor recepción do sinal (buscando non empeorar a cobertura ao colocar o móbil en horizontal).
Estamos claramente ante o que sería o smartphone para gaming máis potente do mercado, pero decoñecemso cando chegará ao mercado e o seu prezo.