O Cellphone Signal Extender permite mellorar a cobertura da telefonía móbil

venres, 13 de xullo do 2007 Marcus Fernández

Os norteamericanos poden mercar xa o Cellphone Signal Externder na tenda en liña de Thinkgeek, de xeito que cun pequeno dispositivo de 12,7 x 17,8 x 5,1 cm. e medio quilogramo de peso poden ampliar a cobertura da telefonía móbil en lugares ós que non chega ben habitualmente (coma pode ser en habitacións interiores).
Este produto que se vende por 249,99 dólares só funciona para rede de telefonía móbil nas frecuencias de 800 MHz e 1.990 MHz, que son as empregadas nos EE.UU., mentres que en Europa os móbiles traballan nas de 900 e 1.800 MHz, aínda que poderiamos agardar produtos semellantes en breve, visto o atractivo tanto en domicilios como en empresas que pode ter a incorporación dun repetidor non profesional de telefonía móbil.

PUBLICIDADE