O Concello de Ames amplía as funcionalidades do seu Portal de Transparencia
mércores, 7 de outubro do 2020
O
Concello
de Ames vén de ampliar a información dispoñíbel no Portal da
Transparencia do web municipal cun novo apartado onde se pode
consultar a información tributaria, que recolle o calendario fiscal
do exercicio 2020, información sobre aprazamentos e fraccionamento
de impostos e taxas, e mailo sistema especial de pagamento
fraccionado do IBI en 2 prazos.
Estas
medidas enmárcanse dentro da iniciativas tributarias adoptadas polo
Concello de Ames debido á crise sanitaria e económica derivada da
COVID-19. A ampliación dada a coñecer este 7 de outubro únese ás
mellores achegadas en maio a prol da organización da información
dos apartados de Normativa municipal, Consulta
pública e Información orzamentaria.
Segundo
informa o Concello, un dos puntos destacados da nova web municipal é
a aposta, agora fortalecida, por potenciar os contidos de
transparencia para “cumprir cos índices da organización
Transparencia Internacional”. Estes contidos están nun apartado
específico indicado a tal efecto e tamén en Organización
municipal, non só fornecendo os contidos, senón “tratando de
estruturalos da maneira máis clara posíbel, facéndoos doadamente
accesíbeis aos usuarios/as”.
Coa
arela de ir mellorando o Portal de Transparencia, o persoal dos
departamentos de Servizos Económicos, Comunicación e Transparencia,
habilitaron un novo apartado que recolle a información tributaria
máis importante do Concello de Ames.